Footer

Ginggined a 5.7 magnitude, narikna iti Ilocos Norte

LAOAG CITY – Nakarikna ti Ilocos Norte iti ginggined nga agpigsa iti 5.7 a narikna met dagiti kabangibangna a probinsia iti agarup 4:00 iti parbangon ti Marso 23.

Nagpigsa ti ginggined iti Intensity 5 iti Burgos, Pasuquin, Sarrat, Batac City ken daytoy a siudad, Intensity 4 iti Sinait, Ilocos Sur, Intensity 3 iti Tuguegarao ken Penablanca iti Cagayan ken Intensity 2 iti Vigan City ken Santa, Ilocos Sur ken iti Baguio City.

Kinuna ti Phivolcs a nagsentro ti tectonic a ginggined iti 27 kms. iti amianan a daya ti Laoag City.

Nupay awan ti naireport a nadadael a sanikua, nagsagrap iti brown-out dagiti sumagmamano a lugar ditoy siudad gapu iti pannakadadael ti substation ti National Grid of the Philippines Corporation a naipasdek iti Currimao, Ilocos Norte.#