Ginggined, narikna iti Baguio City

BAGUIO CITY – Maysa a pamigsaen a ginggined  ti narikna ditoy siudad idi agsapa ti Hunio 24.

Segun iti Philippine Institute of Volcanology and Seismology (Philvocs), nagpigsa iti 4.9 magnitude ti ginggined a narikna dagiti residente ditoy idi agarup 12:49 ti agsapa ti nadakamat a petsa.

Nupay kasta, awan ti naireport a nadadael a sanikua wenno nadunor iti tectonic a ginggined a naitudo ti sentrona iti 10 kilometero iti amianan a laud ti siudad.

Nalagip ket ngarud dagiti agnaed ditoy siudad ti nagpigsa a ginggined a nangduprak iti daytoy a siudad idi Hulio 16, 1990 a nagpigsa iti 7.9 magnitude a nakatayan ti nasurok 400 a tattao ken nakadadaelan dagiti pasdek, inprastruktura ken sanikua.#