Gobierno munisipal, gimmatang iti buck hoe

MAGSINGAL, Ilocos Sur – Gimmatang ti gobierno munisipal ditoy iti dua a buck hoe a maaramat a pagkutkot kadagiti kanal ken waig tapno malapdan ti pannakalayus dagiti barangay ditoy, segun iti mayora ditoy.

Kinuna ni Mayor Arlene Favis a marugian ti pannakakutkot dagiti barado a kanal apaman a sumayaat ti panawen.

Nalayus ti sumagmamano a barangay ditoy nangruna iti poblasion iti panangduprak ni Bagyo Pepeng iti probinsia itay nabiit.

Naammuan a nagbarado dagiti kanal gapu kadagiti rugit a puon ti nadaras a panaglippias ti danum a nakaigapuan ti pannakalayus dagiti sumagmamano a lugar iti poblasion.#