Footer

Gobierno probinsial, aggawaten aplikante para iskolar

VIGAN CITY -Aggawaten ti gobierno probinsial kadagiti aplikante para scholarship, daytoy ti impakaammo  ti Education and Youth Development officer itay nabiit.

Segun ken ni dati a Bokal Anna Liza Europa-Morales, EYD officer, nakasaganan dagiti application forms para iti scholarship ti probinsia ket agpatingga ti panagidatag iti aplikasion inton Abril 22.

Maangay ti qualifying exam dagiti aplikante inton Mayo 15 iti Ilocos Sur National High School, kinuna ti EYD officer.

Dagiti laeng top 80 a makapasa iti eksamen dagiti maawat a provincial scholars, kinuna ni Morales.

Iti Ilocos Sur Community College, University of Northern Philippines ken Ilocos Sur Polutechnic College ti mabalin a pagbasaan dagiti provincial scholars.#