Grade I pupil, natay iti aksidente

STA. CRUZ, Ilocos Sur – Maysa nga ubing ti natay kalpasan a dinungpar ti trak iti kalsada nasional iti Barangay Dili ditoy itay lawasna.

 Natay a sigida ni John Paul Sillapan y Insong, 7, Grade I, agbasbasa iti Dili Elementary School gapu kadagiti grabe a sugatna iti pannakadungparna.

Segun iti inisial nga inbestigasion ti polis ditoy, agturturong ti  Isuzu truck a minaneho ni Raul Maracha, 35, ken residente iti barangay Alzate, Bangar, La Union, iti abagatan a direksion iti kalsada nasional a sakup ti Barangay Dili idi nadungparna ni Sillapan.

 Nagsurender met iti kuerpo ti polis iti Tagudin, Ilocos Sur  Maracha.#