Footer

Grade IV pupil nalmes

SINAIT, Ilocos Sur – Maysa a Grade IV pupil ti nalmes bayat ti panagdidigosda sadiay Barangay Cabangtalan ditoy idi malem ti Agosto 11.

Naideklara nga awanen ti biag ni John Paul Yadao y Brendez, 10, Grade IV pupil  ken residente iti Barangay Namnama, Sinait idi maidanon dagiti nangalaw kenkuana iti Corpuz Clinic and Hospital .

Segun iti report manipud iti polis ditoy, idi agarup 5:00 ti malem ti nadakamat a petsa, napan nagdidigos iti baybay ti biktima ken dagiti kakaduana a pakairamanan da Kevin Yadao y Brendez, 15, 1st year high school; Philip Davis Santos y Chan, 11, Grade Vi pupil; ken Abraham Joshua Santos y Can, 15, 4th year high school students, agnaed amin iti Barangay Namnama, Sinait, Ilocos Sur.

Mapapati a naiyagus ti biktima ken ni Philip David Santos bayat ti panagdidigosda ket inalaw ida dagiti barangay officials ken intarayda ida iti ospital ngem naideklara a dead on arrival ni Yadao.#