Graduado iti kurso, maimbentario

VIGAN CITY – Panggep ti gobierno probinsial a maimbentario amin dagiti nagraduar iti kurso ditoy probinsia, daytoy ti naipalgak ni Vice Mayor Deogracias Victor Savellano itay nabiit.

Kinuna ni Savellano a maaramid koma ti inbentario dagiti nagturpos iti kurso tapno maammuan dagiti available a resources para kadagiti kasapulan apanggedan.

Kinuna ti bise gobernador nga akem met ditoy ti gobierno probinsial ti agbirok kadagiti kumpania nga agkasapulan kadagiti trabahador.

Segun pay ken ni Savellano, no addan inbentario kadagiti barangay, maited dagitoy iti human resource office ti tunggal munisipio ket dagitoy nga inbentario ti konsolidaren ti gobierno munisipal tapno no adda dagiti job fairs, ma-identify dagiti agkasapulan ken maammuan dagiti kompania no ania ti available a resources ti probinsia mainaig iti kasapulanda a pagtrabahuan.#