Granada, naduktalan iti dalan

STA. MARIA, Ilocos Sur – Maysa a granada ti naireport a naduktalan nga agtutungraraw iti daga iti maysa a sitio ditoy nga ili idi Abril 14.

Inreport ni Danilo Repollo, Jr. y Pader, 41, naasawaan, barangay tanod, ken residente iti Barangay Suso, a nakitana ti granada nga agtutungraraw iti dalan a kumamang iti balayna.

Nagresponde dagiti polis sada kinordonan ti nasao a lugar tapno saan a makaasideg dagiti usiuso sada dimmawat iti tulong manipud iti Ilocos Sur PPO, PPSC Explosive Ordnance Division (EOD).

Mapapati a naaramat ti nasao a granada idi tiempo ti gubat.#