Footer

Granada, naisuko

CABUGAO, Ilocos Sur – Maysa a granada ti naisuko iti polis ditoy idi malem ti Nobiembre 25.

Kinuyog ni Arjay dela Cruz, 27, baro, residente iti Barangay Baclig, ditoy nga ili ni Jeffrey Paa, 12, Grade 6 pupil iti North Central Elementary School, kalugaranna ket indatagda iti police station ti maysa a hand grenade nga addaan safety pin.

Kinuna ni Paa a nasarakanna ti granada bayat ti panangayona iti asideg ti karayan iti Sitio Lusong, Barangay Baclig idi agarup 5:30 ti malem ti Nobiembre 25.

Adda ita iti kustodia ti polis ti nasao a granada.#