Granada, naisuko

SALCEDO, Ilocos Sur – Maysa a granada ti boluntario a naisuko iti polis ditoy itay nabiit.

Insuko da Rexon Valdez y Acutan, 44, naasawaan, antique collector, ken ni Rogelio Garbin y Mangay-ayam, Sr., 62, naasawaan, mannalon, ken agpada a residente iti Sitio Arnap, Barangay Balidbid ditoy nga ili ti nasao a granada, maysa nga Atis Type nga eksplosibo a napartuat pay la idi World War II, idi agsapa ti Hunio 18.

Naipaima ti eksplosibo iti Chief, Explosive and Ordnance Division ti Provincial Public Safety Company, Ilocos Sur Police Provincial Office, Bulag, Bantay, Ilocos Sur idi Hunio 20.

Saan a nailanad iti report no kasano nga adda ti granada iti ikut da Valdez ken Garbin.#