Granada, nakali

STA. LUCIA, Ilocos Sur – Maysa a granada ti nakali ti backhoe iti katurodan a paset ti Barangay Conconig East ditoy nga ili idi agsapa ti Mayo 20.

Inreport ni Barangay Captain Romeo Rabang, Sr. iti polis a nakakali ti backhoe iti granada bayat ti excavation iti turod iti nadakamat a barangay.

Nagresponde dagiti polis ket kinordonda ti nasao a lugar idinto a pinakaammuanda ti Explosive Ordnance Division sadiay Provincial Public Safety Company, Bulag, Bantay, Ilocos Sur.

Kinumpirma ti EOD a maysa a MK2 fragmentatioin bomb nga awanan safety level ti nasao a bomba.

Naited iti kustodia ti EOD ti granada para iti umisu a disposision.#