Granada, nasarakan iti paraangan

CANDON CITY –  Nakasarak ti maysa nga agpatpatakder iti balayna iti maysa a granada idi bigat ti Disiembre 22.

Nasarakan ni Dionisio Gacutan y Garnace, 51, naasawaan, ken residente iti Barangay Tablac, ditoy siudad, ti nasao a granada iti likud ti paraanganna bayat ti panagkalida para iti maipatpatakder a balayna.

Dagus a nagresponde dagiti kameng ti EORA/PBI nga indauluan ni Police Inspector Feliciano Galdones, ket innalada ti granada a  maawagan MK2 fragmentation grenade.

Awan ti safety pin lever ti nasao a granada.

Naipan ti granada iti kustodia ti Candon City police station para iti umisu a disposision.#