Granada, nasarakan iti waig

VIGAN CITY – Maysa a granada ti naisuko iti polis ditoy siudad idi bigat ti Agosto 13.

Boluntario nga insuko ni Antonio Alamar De La Cruz, 51, naasawaan, watchman, ken residente iti Barangay IX, ditoy siudad ti maysa a rifle grenade.

Kinuna ni Dela Cruz a nasarakanna ti rifle grenade iti waig iti likudan ti balayda idi agsapa ti nadakamat nga aldaw.

Adda itan iti kustodia ti Vigan City police station ti nasao a granada sakbay a maipaima iti Explosive and Ordnance Division, Bulag, Bantay.#