Footer

Green Team ti overall champ iti 1st Kapitolympics

VIGAN CITY – Ti Green Team ti nangiyalat iti overall championship iti dua a bulan a First Capitolympics a nagsasalipan dagiti empleado ti gobierno probinsial.

Dagiti empleado iti Governor’s Office, NBN, Quirino Stadium Aides, PESO ken Administrative Department dagiti nangbukel iti Green Team.

Dagiti dadduma pay a nakisalip: Red Team – Accounting, Assessor ken Budget office); Yellow Team – Agriculture, PVET ken fishery); Blue Team – DSWD, Engineering Office ken PTO; White Team – (Bantay Barangay, PPDO ken TLDC; Orange Team – Provincial Health Office; Black Team – SP employees, Legal Office ken ENRO; Maroon Team – Library ken ISCC; Gray Team – Capitol Aides ken General Services Office; Gold Team – Bessang Pass, Central Ilocos Sur, Salcedo, Tagudin, Sta. Lucia District Hospital; Pink Team – Sinait ken Magsingal District Hospital; ken Violet Team – Provinciall Fiscal, CSC, ken GSIS.

Kinuna ni Jun Almazan, program coordinator, a balligi ti pannakaigannuat daytoy nga aktibidad gapu iti aktibo a partisipasion dagiti empleado kadagiti nadumaduma a paay-ayam iti baet nga adu ti pakakumikomanda iti opisinada.

Nangrugi ti Capitolympics idi Setiembre ket nagngudo idi Oktubre 30. Napagsasalipan ditoy ti basketball, volleyball, chess, table tennis, ken badminton.

Dagiti sumaganad dagiti nangabak kadagiti nadumaduma a paay-ayam: Basketball – Red Team; Volleyball (Men) – Red Team; Volleybal (Women) –  Green Team; Chess (M) – Blue Team; Chess (W) – Gray Team; Badminton (M) – Orange Team; Badminton (W) – Pink Team; Table Tennis (M) – Blue Team; ken Table Tennis (W) – White Team .

Maaramid ti awarding ceremony inton Nobiembre 14,  iti Provincial Capitol Hall.#