GRO, agtrabtrabaho nga awan permitna

CANDON CITY – Maysa a guest relation officer (GRO) ti inreklamo ti mangimatmaton iti maysa a paginuman ditoy siudad gapu ta nasukalan nga awan permitna nga agtrabaho.

Inreklamo ni Lusita Acdal, 47, balo, ken mangimatmaton iti Mambo Disco Bar ni Nimfa (parbo a nagan) agsipud ta dina italtalek ti mangala iti permitna iti health center iti baet nga agtultuloy nga agtrabaho a kas GRO iti nasao a bar.

Kinuna ni Acdal nga inreklamona ni Nimfa agsipud ta nainget ti pagannurotan ti siudad a kasapulan nga adda sanitary permit ti GRO tapno makapagtrabaho iti bar.

Sabali pay a pagannurotan ti health office ti panagpatsek-ap ti GRO iti linawas tapno maammuan no awan met la ti sakitna, nangruna kadagiti sexually transmitted diseases.#