GRO, kinabil ti boyprenna

CANDON CITY.  Maysa a guest relation officer ti nagpulong iti polis gapu iti panangkabil kenkuana ti boyprenna iti bar a pagpapaayanna iti Barangay Paras ditoy.

Innaganan ni Flordeliza Garcia, 26,  ken temporario nga agnaed iti nasao a barangay, ni Jodel del Rosario, 39,  mapapati a boyprenna, residente iti barangay Langlangca 2nd, ditoy met laeng a siudad a nangkabil kenkuana.

Maibasar iti blotter ti polis, nagturong ti suspetsa iti Hardrock Videoke Bar tapno kapatangna ngem nagkedked ti biktima ta mapapati a nakainom iti arak ti suspetsa.

Immuneg ti suspetsa ket kinabilnan ti biktima.

Nupay kasta, naurnos met laeng ti kaso iti kabigatanna babaen ti panagkari ni del Rosario a dinanton uliten ti inaramidna ken saanen a mapan iti nasao nga establisimiento.#