Footer

Ground breaking ti renovation ti Quirino Stadium, naisayangkat

VIGAN CITY – Naisayangkat ti ground breaking ti renobasion ti Quirino Stadium itay Pebrero   bayat ti panangrambak ti probinsia iti Kannawidan Ylocos Festival manipud Enero 29 agingga iti Pebrero 4, 2014.

Kinuna ni Gov. Ryan Singson a marugian kalpasan ti Kannawidan Festival ti pannakarenobar ken konstruksion ti Quirino Stadium  tapno “addanto maited ti provincial government a maysa manen nga inprastruktura a pagdur-asantayo ken agbalin nga economic enterprise.”

Segun ken ni Singson, moderno ti maipatakder a Quirino Stadium, artificial turf ti field ken rubberized ti pagtarayan.

Kinuna ni Singson a mapunduan ti umuna a phase ti proyekto iti P80 milion ket mapasimpanto ti aglawlaw ti stadium.

Kinuna ti ubing a gobernador a tagtagainepna ti pannakaisayangkat manen ti IRAA iti probinsia a kas iti napalabas.

Kinunana nga apaman a malpas ti stadium, maysa manen daytoy a maipagpannakkel ti probinsia nga inprastruktura.#