Groundbreaking ceremony ti maipasdek a police station, naangay

CABUGAO, Ilocos Sur – Naipisok ti time capsule kas paset ti groundbreaking ceremony iti maipasdek a police station ditoy nga ili a naangay iti asideg ti tiendaan publiko idi Pebrero 19.

Nagtitinnulong a nangipisok iti time capsule iti abut bayat ti ceremonial groundbreaking ti maipasdek a police station da Mayor Edgar S. Cobangbang, Jr., Vice Mayor Deogracias Jose Victorino Savellano, PCI Christopher Rebujio ken PCI George Marca, nangibagi iti Police Provincial Office 1, Police Supt. David Marinao, Deputy Director ti Ilocos Sur Provincial Police Office, Chief Inspector William Nerona, chief of police iti Cabugao Municipal Police Station, Bureau of Fire and Protection Marshal Elmer C. Acapuyan.

Binendisionan ni Rev. Fr. Felix Costales, kura paroko ti Cabugao ti pannakaipisok ti nasao a time capsule.

Maipatakder iti amianan ti NISTC public market ti tallo-kadsaaran a police station.#