Groundbreaking ti lying-in clinic, naisayangkat

CABUGAO, Ilocos Sur – Naisayangkat ti ground breaking ceremony ti maipatakder a lying-in clinic ditoy nga ili idi Disiembre 22, daytoy ti naammuan manipud ken ni Dr. Charlie Sonido, presidente ti Cabugao Sons and Daughters of Hawaii itay nabiit.

Kinuna ni Sonido nga isudanĀ  a sangapamilia ti mangibaklay iti pannakaipatakder ti lying-in clinic ditoy nga ili kas tulongda kadagiti marigrigat a kailianda iti Cabugao ken tapno sabalin a proyekto ti pangigastuan ti Cabugao Sons and Daughters iti pondona.

Malaksid ti groundbreaking ceremony ti lying-in clinic, naangay pay iti daytoy met laeng nga aldaw ti insayangkat ti Ilocos Surian of Hawaii Association ti medical mission a nakaserbian ti agarup 900 a residente ken ti Ilocos Sur Idol a nagsasalipan dagiti addaan talento nga agnaed iti probinsia.#