Footer

Grupo, nagrambol, 1 nabagsol

CANDON CITY – Maysa a lalaki ti nabagsol bayat ti panagpallailangna ken ti grupona iti maysa a beerhouse iti barangay Oaig Daya itoy a siudad.

Segun iti report, naggiinom ti grupo da Alfredo Villanueva, Jr. 28, construction worker, residente iti San Agustin ditoy siudad ken ti grupo ni Adonis Galicia, 33, residente iti San Nicolas, Candon City iti maysa a videoke bar, ket idi addada iti ruar, saanda a nagkikinnaawatan.

Immasideg dagiti barangay tanod tapno pagsinaenda dagiti grupo ngem mapapati a pinateltelan ni Villanueva ni Galicia a puon ti panagrarambolda ken panangbagsol ti suspek iti biktima.

Naipan iti ospital ti biktima idinto a simmuko iti polis ti suspek.#