Grupo ti LCTs, agkalkalap iti baro a miembro

VIGAN CITY – Inreport ti maysa nga opisial ti Philippine Army nga adda pay laeng dagiti local communist terrorists (LCTs) nga agdakdakiwas iti nasulinek a luglugar a saklaw ti sumagmamano nga ili ken maysa a siudad ditoy probinsia.

Inreport ni Lt. Col. Rogelio Mesias ti 3rd Infantry Batallion bayat ti miting ti Provincial Peace and Order Council a naangay iti provincial capitol itay nabiit nga adda pay laeng 24 a miembro ti SP Sandino nga idauluan ti maysa nga Esteban Manuel a mapattapatta nga agikutda iti 32 nga armas.

Segun ken ni Mesias,  agisaysayangkat ti grupo iti operasion kadagiti ili ti Galimuyod, Salcedo, Sta. Cruz, Sta. Lucia, Candon, kasta met a padpadasenda a serken ti Suyo ken Sigay para iti pannakaikalawa ti tignayda.

Kinuna ni Mesias nga agtultuloy ti panagrekorida ti grupo nga agawis  kadagiti baro a miembro ken mangisaysayangkatda iti intelligence operations.#