GSGH addan bukodna a water system

VIGAN CITY – Saanen a problema ti danum iti Gabriela Silang General Hospital, kinuna ti maysa a dadaulo ditoy.

Segun ken ni Head Nurse Teresita Agatep, addan bukod daytoy nga ospital a water system ken tangke ket aglaplapusananen ti danum nga aramaten dagiti pasiente ken empleado ditoy iti uneg ti 24 nga oras.

Naggapu ken ni Cong. Ronald Singson ti pondo nga aggatad iti P2 milion para iti pannakasimpa ti water system iti ospital.

Iti kallabes, problema ti danum ditoy ospital nga aramaten dagiti pasiente ken empleado nangruna kadagiti comfort rooms.#