GSGH, nagdoble ti napastrekna

VIGAN CITY- Nagdoble ti napastrek ti Gabriela Silang General Hospital manipud idi nadutokan ni Dr. Winston a mangidaulo daytoy nga ospital.

Naammuan a nagbalin a P400,000 ti napastrek ti GSGH manipud iti dati a P200,000 manipud nagbalin nga officer in-charge ni Aguirre iti nasao nga ospital.

Sakbay a nadutokan nga OIC ti GSGH, ni Aguirre ti hepe ti Cervantes Memorial Hospital.

Dinutokan ni Gov. Deogracias Victor Savellano ni Aguirre kas OIC ti GSGH tapno maipamaysa ni Dr. Carmeliza Singson ti pagrebbenganna kas hepe ti provincial health office.#