Footer

Guardia, empleado, grabe a nasugatan iti aksidente

CANDON CITY – Grabe a nasugatan ti maysa a guardia ken maysa nga empleado gapu iti aksidente a napasamak iti Barangay Paras ditoy nga ili.

Nadundunor da Benny Fontanilla, 27, security guard iti Philippine National Bank,  residente iti Tablac, Candon City ken Levi Ramos, 24, empleado ti Orient Leaf Tobacco, residente iti Calongbuyan, Candon City.

Segun iti report, agdaldaliasat ni Fontanilla iti national highway a nakalugan iti XRM a motorsiklona idi mapapati a kellaat a bimmallasiw ni Ramos a puon ti aksidente.

Naitaray dagiti dua iti ospital para iti pannakaagas dagiti sugatda.#