Guardia, nabugbog

CANDON CITY – Maysa a guardia iti beerhouse ti nagpulong iti polis ditoy gapu iti panangkabil kenkuana ti innem a lallaki.

Iti pulongna iti polis, kinuna ni Rickson Gambito, 25, residente iti Oaig Daya ditoy siudad, security guard iti Jhovels 2 Videoke Bar iti Barangay Paras, nga innem a di nabigbig a kustomer iti nasao a paginuman ti nangkabil kenkuana nga awan ti ammona a gapuna.

Naglibas dagiti suspetsa a nakalugan iti traysikel a kolor berde nga addaan plaka QJ-8428.

Iti pannakaisurat daytoy, taktakuaten dagiti polis no asino ti akinkukua iti nasao a traysikel.#