Gumatang, parol aramid dagiti balud: jail warden

BANTAY, Ilocos Sur – Madama ti panagaramid dagiti balud ditoy iti parol kas livelihood projectda para iti masungad a Paskua.

Kinuna ni Provincial Jail Warden Vicente Amistad a mailako dagiti nadumaduma ti kadakkelna a parol nga isuda a mismo ti mangaramid iti uneg ti pagbaludan a masarakan iti Barangay Taleb ditoy nga ili.

Kanaig daytoy, indagadag ni Amistad ti panang-patronize dagiti umili ditoy Ilocos Sur kadagiti aramid a parol dagiti balud tapno adda pamastrekan dagitoy ket adda maurnongda a para iti pamiliada iti umasideg a pannakaselebrar ti Paskua.

Tinawen daytoy a livelihood project ti provincial jail para kadagiti balud tapno adda pamastrekanda ken pamataudanda iti pondo para kadagiti pamiliada iti panangselebrarda iti Paskua.#