Gunglo dagiti buri weavers, nareorganisa

SAN JUAN, Ilocos Sur – Nareorganisa ti grupo dagiti agar-aramid kadagiti produkto manipud iti buri ken kawayan ditoy nga ili ken nairehistroda iti Department of Labor and Employment (DoLE) itay nabiit.

Naammuan manipud ken ni Municipal Social Welfare Officer Criselda Navarro a nareorganisa ti San Juan Buri Craft Association ken ti Asilang Bamboo Craft Association tapno ad-adda pay a mapabileg dagitoy a grupo iti pannakairehistroda iti DoLE ken iti Securities and Exchange Commission.

Naangay ti skills development training para kadagiti miembro dagiti dua nga asosasion tapno ad-adda pay a manayonan ti ammo dagitoy a mangpasayaat ti kalidad ti produktoda.#