Gunglo dagiti mannurat, rinambakanna ti anibersariona

TAGUDIN, Ilocos Sur – Rinambakan ti gunglo dagiti agtutubo ken agdadamo a mannurat nga Ilokano ti umuna nga anibersariona  itay Abril 5 iti Tagudin National High School ditoy.

Addaan itii tema, “Tadem ti Pluma, Padur-asen, Agsampaga”, rinambakan ti Isagotko Kenka Writers Club (IKWC), ti umuna a tawenna babaen ti agmalmalem a literary writing workshop ken seminar.

Naglektiur iti sarita iti bigat ni Danilo Antalan, premiado a mannurat ken reporter iti DZTP Candon City, idinto a binagi ni Danilo Caburian ti daniw iti malem.

Naangay pay ti on-the-spot  poetry writing contest bayat ti seminar.

Ni Eduard Britos ti founding chairman ti nasao a gunglo idinto a ni Romeo Licudine ti agdama a presidente. (Danny Antalan)