Handog Titulo program naiyussuat iti Cabugao

CABUGAO, Ilocos Sur – Nairusat itay nabiit ti pre-titling dagiti residensial a lote iti uppat a barangay ditoy nga ili babaen ti programa a pannakatitulo dagiti lote a nagkammayetan ti opisina ti Department of Environment and Natural Resources ken ti gobierno munisipal ditoy.

Kinuna ni Municipal Assessor Lilia Flores naangay iti Cabugao Cultural and Sports Complex idi Mayo 29 ti pretitling dagiti residensial a lote iti uppat a barangay ditoy nga ili a pakaibilangan ti Barangay Rizal, Quezon, Baclig ken Bonifacio iti babaen ti Handog Titulo program a pagkinnamayetan ti DENR ken ti gobierno munisipal nga nga idadauluan ni Mayor Edgar S. Cobangbang, Jr. a naangay iti .

Segun ken ni Flores, naipasdek ti one-stop shop tapno mapadaras ti proseso dagiti kasapulan a dokumento tapno nadardaras a maiwakas dagiti aplikasion tapno maiyendorso iti  Environment and Natural Resources-Region 1 Technical Director for Lands Management Service (LMS) para iti pannakaaprobarda.

Kabayatanna, kinuna ni DENR Region 1 Technical Director for Lands Management Service Lydia S. Lopez a paset ti programa ti opisinana nga isudan ti dumanon kadagiti barbarangay para iti pannakatitulo dagiti daga a sakupda.

Nupay kasta, innayonna a kasapulan nga agdalan iti proseso ti pannakatitulo dagiti daga babaen ti panangasistir ti municipal assessor ken ti DENR-M-LMS.

Inlawlawag pay ni Lopez a mainaig kadagiti napatituluanen a daga a maiyakar ti panagtagikua, mabalin dagiti owner ti agderetso iti Land Registration Authority ken Register of Deeds.

Immun-una ngem daytoy, naiwayat ti libre a cadastral survey dagiti lote babaen ti maysa a pribado a kompania tapno lehitimo a makapatitulo dagiti akinkukua a nagkinnamayetan ti DENR Regional Office 1-LMS  ken  ti lokal a gobierno ditoy.

Dagiti sumaganad ti kasapulan  a paaddaen dagiti aplikante: (1) Tax Declaration, (2) Basis of Ownership:  a. Death Certificate b. Deed of Adjudication c. Deed of Donation d. Waiver of Right (3) LGU Certification (Brgy. Captain Certification) (4) RTC Clearance (5) Application Fee, P50 (6) Documentary Stamp, P150 (7) Duly Accomplished Free Patent Application.#