VIGAN CITY – Maysa a Hawayano ti nadukotan iti maysa a pagtagilakuan ditoy itay nabiit a nakairamanan a nakapukawan dagiti napapateg a dokumento.

Nagpulong iti polis ni William Rol, 49, naasawaan, Hawayano, nga agindeg iti San Ramon, Magsingal, a nadukot ti petakana a naglaon iti $200, driver’s license, credit cards ken P10,000 a cash.

Segun iti biktima, naduktalanna nga awanen ti petakana bayat ti kaaddana iti maysa a pagtagilakuan iti Plaza Maestro.

Di pay ammo no asino ti nangdukot iti biktima.

Iti kallabes, adda dagiti kaso ti panagdukot a napasamak iti daytoy a pasdek negosio.