Head teacher, inaresto dagiti polis

SAN ESTEBAN, Ilocos Sur – Inaresto dagiti polis ti head teacher ti maysa a pagadalan ditoy nga ili idi bigat ti Oktubre 27.

Imet dagiti polis ti arrest warrant nga inyisio ni Judge Sixto Diompoc ti Regional Trial Court, Branch 27, Narvacan, Ilocos Sur idi napanda arestuen ni Araceli Apolonio y Ocol, 53, naasawaan, head teacher iti San Esteban North Central School ken residente iti Barangay Ansad, San Esteban.

Akusado ni Apolonio iti panaglabsing iti RA 7610 wenno panagabuso iti ubing, eksploitasion ken diskriminasion a nai-docket iti babaen ti Criminal Case No. 3853-N a napetsaan October 21, 2014.

Nawayawayaan ti akusado kalpasan ti panagpiansana iti P40,000.00.#