Heavy equipment operation, maiyadal

VIGAN CITY – Linuktan ti Ilocos Sur Community College ti kurso para iti buck hoe operation itay nabiit. Daytoy ti maikadua a batch dagiti agadal iti nasao a kurso.

Kasapulan pay ti 20 nga agadal iti grader operation, segun ken ni Amador Rojo, director for extension program ditoy a pagadalan.

Awan ti magasto ti agadal ta esponsoran ti opisina ni Cong. Ronald Singson ti nasao a programa.#