Hepe ti polis, naidayaw

SANTIAGO, Ilocos Sur – Dinayaw ti mayor ditoy ti OIC a hepe ti polis daytoy nga ili gapu iti panangarestoda iti maysa a masuspetsa a drug pusher kalpasan ti search operation nga insayangkatda iti balay daytoy itay nabiit.

Kinuna ni Mayor Joselito “Boy” Miranda a nupay nabiit pay a naisaad ni Police Senior Inspector Roderick A. Vintero nga OIC chief of police iti Santiago, addan nagapuananna mainaig iti pannakapugipog iti droga iti ilida.

Positibo ti panagsukisok dagiti joint elements ti PDEA ISSET,  ISPAIDSOTG, ken polis-Santiago nga indauluan ni Vintero iti balay ni Tingseco  idi Agosto 29 a nagresulta iti panangarestoda iti daytoy.

Kinuna ni Miranda nga iti pannakaaresto ni Tengsico, addan pagmennamennaan dagiti agar-aramid iti illegal nga aktibidad iti ilida.

Kinuna ti mayor nga idagadagnanto iti sangguniang bayan ti panangipasada iti resolusion para iti pannakapadayaw ni Vintero.#