High school graduate, natiliwan nga agikut iti paltog

SANTA, Ilocos Sur – Gapu iti panagikutna iti paltog, nakasuan daytoy a baro a posible a pakaibaludanna.

Naammuan iti inisial nga inbestigasion dagiti polis ditoy  a naggiinom da Edward Mark Bragado, Jr. y Lubendino, 17, baro, high school graduate ken ti grupona idi adda naparnuay a dida panagkikinnaawatan.

Mapapati nga inruar ti suspek ti paltogna a puon ti nakaipulonganna.

Nakakumpiska dagiti nagresponde a polis iti maysa a homemade revolver Magnum 22 nga addaan iti bala iti cylinderna iti ikut ni Bragado.#