Hospital waste, maibasbasura iti dump site?

CAOAYAN, Ilocos Sur – Segun iti maysa a konsehal ditoy, maysa nga opisial ditoy nga ili ti agibasbasura iti hospital waste iti Materials Recovery Facility iti Barangay Villamar ditoy.

Nupay kasta, saan nga impalgak ni Kon. Edwin Penol no asino ti nasao nga opisial.

Kinunana ketdi a kapatangda ti opisial tapno saanen nga agibelleng iti hospital waste iti pagbasuraan.

Iti kallabes, nagbalin pay a problema ditoy ti saan a pannakasursurot iti panangsisina iti marunaw a basura iti saan a marunaw.

Iti naudi a session ti sangguniang bayan ditoy, naidagadag ti pannakagatang iti pagkalub iti trak a pagakup iti basura ken guantes, mask ken botas dagiti basurero tapno masalakniban ti salun-atda.#