Hues, natakawan

CANDON CITY – Kuarta, selpon ken laptop ti kinurimes dagiti mannanakaw iti balay ti maysa a hues idi parbangon ti Hunio 3.

Iti report a napasangpet ti police station ditoy siudad, sinerrek dagiti mannanakaw ti balay ni Judge Policarpio Martinez ti Regional Trial Court, ken residente iti Barangay Talogtog, Candon ket kinurimesda ti petaka ti hues a naglaon iti sumurok-kumurang a P20,000, tallo nga IPhone, maysa a Sonny Ericson a selpon ken maysa a laptop.

Kinurimes pay dagiti di nabigbig a mannanakaw ti petaka ti anak ti hues a ni Denmark a mapapati a naglaon iti sumurok kumurang P16,000.00.

Mapapati a simrek dagiti mannanakaw iti balay babaen ti ruangan iti likud ti balay.#