Human rights seminar, inangay ti PRO1

SAN FERNANDO CITY – ti Inangay ti Police Regional Office 1 ti maysa a seminar mainaig iti human rights  babaen ti Human Rights Affairs Office nga indauluan ni Police Supt. Perfecto Pagador itay nabiit.

Kangrunaan a sangaili ken speaker iti seminar a naangay iti Masigasig Center ti PRO1 ni La Union Vibrant Women, Inc. Board Chair Geraldine Ortega, kaingungot ni Gov. Manuel Ortega nga inatenderan dagiti opisial ti PRO1 nga indauluan ni Regional Director Police Chief Superintendent Franklin Jesus B. Bucayu, LGU officials and kamkameng ti   civil society organizations iti La Union.

Iti panagbitlana, indagadag ni Ortega ti kinapateg ti human rights-based governance idinto nga inyunay-unayna ti kalintegan dagiti babbai kas paset ti adbokasiana.

Dinayaw pay ni Ortega ti Region I police gapu iti panangitedda iti importansia iti human rights iti panangipatungpalda iti paglintegan.

Inyunay-unay met ni Bucayu a kasapulan a mapasayaat ti professional competence dagiti police personnel idinto a dinakamatna dagiti sumagmamano a high-profile a panaglabsing iti human rights a mapapati nga inaramid dagiti mangipatpatungpal iti linteg.

“Maiiwasan natin ang human rights violations kung marunong tayo sa tamang paraan ng pagkuha ng ebidensya,” kinuna ti regional director.#