Hunio 19, special non-working day iti Laoag City

LAOAG CITY – Indeklara ti Malakaniang ti Hunio 19 nga special non-working day ditoy siudad kas panangselebrarna iti 49th Charter Day.

Babaen ti otoridad ni Pres. Benigno S. Aquino III, inyisio ni Exec. Secretary Paquito N. Ochoa, Jr. idi Hunio 11 ti Proclamation No. 780 a nangideklara nga special non-working day ti Hunio 19 ditoy siudad.

Rinambakan dagiti agtuturay iti siudad, elected officials, dadaulo dagiti pagadalan, hepe dagiti nadumaduma nga ahensia, ken dagiti empleado ti siudad  ti Charter Day babaen ti simple a programa a naangay iti city hall a sinaruno ti thanks giving mass a naaramid iti city hall auditorium.

Nagbalin a siudad ti Laoag idi 1965 kalpasan nga inaprobaran dagiti umili babaen iti plebisito ti RA 4584 a pinutar ni Congressman Simeon Valdez.#