Hybrid seeds, naiyawat kadagiti asosasion-mannalon

CABUGAO, Ilocos Sur – Impeksa ni Mayor Edgardo S. Cobangbang ti pammatina a kabaelan tunggal asosasion dagiti mannalon ditoy nga ili a mangitandudo iti sektorda babaen iti panagtutunosdaĀ  ken iti panangtarabay ida ti lokal a gobierno ken ti departamento ti agrikultura.

Inulit ti mayor daytoy a pammigbigna bayat ti programa a pannakaiyawat ti 656 packs aĀ  hybrid seeds kadagiti 35 nga asosasion dagiti mannalon ditoy iti conference building ti munisipio itay Mayo 5.

Sag-27 packs ti naited iti 35 nga asosasion dagiti mannalon ditoy nga ili iti babaen ti plant now pay later program ti LGU Cabugao nga agbalin a pamunganayan dagiti asosasion para iti pannakaidur-as ti kalidad ti imulada ken ti kabuybuyogna a teknolohia para iti panagtatalon iti daytoy Hunio agingga iti Nobiembre.

Maipalagip nga inyalat ti LGU-Cabugao ti National Best Achiever Award idi Tawen 2013 iti benneg ti agrikultura.#