Illegal a paputok, kinumpiska dagiti polis

CANDON CITY – Nangisayangkat dagiti polis iti operasion maikontra iti illegal a paputok a mailaklako iti abay ti civic center iti Barangay San Juan ditoy siudad idi agarup 3:47 ti malem ti Nobiembre 26.

Kinumpiska dagiti polis nga indauluan ni Chief of Police Supt. Marlo A. Castillo ti innem a boxes ti Consair Picolo, 7 boxes ti Consair Great Bawang ken 6 boxes ti Consair Pacquiao Ultraman.

Nakadlaw ti di nabigbig nga akinkukua kadagiti paputok ket naglibas iti saan nga ammo a direksion.

Naipan dagiti paputok iti police station para iti umno a disposision.#