Illegal recruiter, naaresto

STA. CRUZ, Ilocos Sur – Inaresto dagiti polis ti maysa a babai nga akusado iti illegal recruitment sadiay Barangay Villa Hermosa, ditoy nga ili idi aldaw ti Mayo 9.

Naaresto iti pagtaenganna ni Marites Rafanan y Cabasa, 50, naasawaan, ken residente iti Sitio Pantar, Barangay Villa Garcia babaen ti warrant of arrest nga inyisio ni Judge Policarpio P. Martinez ti Regional Trial Court, Branch 71.

Akusado ni Rafanan iti illegal recruitment iti babaen ti Criminal Cases No. 2162-C, 2162-C ken 2164-C.

Naikustodia ti akusado para iti dokumentasion ken pannakaipaimana iti korte.

Nairekomenda ti P80,000.00 a pagpiansa ti akusado para iti temporario a pannakawayawayana.#