Illegal recruiter, natiliw

BANAYOYO, Ilocos Sur – Awan ti piansa a nairekomenda para iti temporario a wayawaya ti maysa nga illegal recruiter nga inaresto dagiti polis idi Mayo 18.

Inaresto dagiti polis ni Madeline Directo y Mallare, 52, barangay health worker, ken residente iti Barangay Poblacion, ditoy nga ili babaen iti bileg ti warant of arrest nga inyisio ni Judge Gina Juan-Chan ti Regional Trial Court Branch 22, Narvacan.

Nakasuan ni Directo iti illegal recruitment ket nai-docket daytoy iti babaen ti CC No. 3951-N.

Naipan ti akusado iti police station ditoy para iti dokumentasionĀ  ken disposision.#