Footer

Ilocos Sur, Best Performing LGU

BAUANG, La Union -Napadayawan ti probinsia ti Ilocos Sur kas Best Performing LGU Based on Local Governance Performance Monitoring System (LGPMS) bayat ti naangay a seremonia ti Regional Development Council Region I sadiay Bauang, La Union idi Pebrero 24.

Inyalat met ti siudad ti Vigan ti nasao a pammadayaw iti benneg ti city category; Tagudin, Ilocos Sur iti 1st -3rd class a munisipio ken Santol, La Union iti 4th -5th class municipality.

Napili met kas Best LGU Practices ti “Edukasion Para iti Amin” ti Tagudin, Ilocos Sur a nakaisaadan payen daytoy nga ili ti Hall of Fame Award gapu ta tallon a daras ti panangiyalatna iti pammadayaw.

Para iti Most Outstanding LGU Coastal Resource Management Implementers, inyawid ti probinsia ti Pangasinan ken siudad ti Laoag ti pammadayaw idinto a ti Ilocos Norte ti nakaipaayan ti Best Project Implementer Award.

Dagiti dadduma pay a napadayawan: Outstanding Regional Line Agency/LGU in Project Monitoring: Category A (1-10 projects)- Department of Agriculture; Category B (11-29 projects)- Bureau of Fisheries and Aquatic Resources; Category C (21 or more)- Provincial Government of La Union;

Best Agency Gender and Development Project Implementer – Department of Agriculture; Best LGU Gender and Development Project Implementer – Provincial Government of La Union; Best LGU MDG Project Implementer – Provincial Government of La Union;

Best NGO-LGU Partnership – San Nicolas, Ilocos Norte

Most Outstanding Government Officials – 1st level-Ferdinand Galuan (Civil Service Commission); 2nd level- Lily Grace Casino (National Economic and Development Authority; 3rd level-Lerma Oalin (Civil Service Commission).#