Ilocos Sur, foot and mouth disease free province

VIGAN CITY – Naideklara a napunasen ti sakit a foot and mouth disease kadagiti dingnguen a baboy iti sibubukel a Region 1 a pakairamanan ti probinsia ti Ilocos Sur.

Itay nabiit, indeklara ti Department of Agriculture Regional Office a food and mouth disease free ti Region I kalpasan nga awan ti naireport a baboy a nagsakit iti FMD iti las-ud ti lima a tawen.

Segun ken ni Livestock Inspector Ricardo Baclig, hog cholera ken diarrhea dagiti masansan a problema a sakit dagiti taraken a baboy iti probinsia nangruna kadagiti dadakkel a piggery.

Nupay kasta, malapdan ti sakit a cholera ken diarrhea no mabakunaan dagiti dingnguen a baboy, kasta met a nadaras nga umimbag dagitoy no masigud a mapakatan iti agas.#