Ilocos Sur National High School, Siglat Eskwela Awardee

BANTAY, Ilocos Sur – Napadayawan ti Ilocos Sur National High School kas Siglat Eskwela Awardee bayat ti selebrasion ti Kannawidan Ylocos Festival a naangay┬á iti Quirino Grandstand ditoy idi Pebrero 1.

Inawat ni ISNHS Principal Dr. Giovanni Velasco ti nasao a pammadayaw  manipud kadagiti agtuturay ti probinsia a pakaibilangan da Vice Gov. Deogracias Victor Savellano, Cong. Ryan Singson, ken DepEd Division Superintendent Marino Baytec iti seremonia a naaramid iti Quirino Grandstand iti nasao nga aldaw.

Pinadayawan ti gobierno probinsial ti ISNHS gapu ti panagab-abakna kadagiti nadumaduma a pasalip iti regional, national ken international competitions a pakairamanan ti panangabakna  iti national award a Brigada Eskwela para iti 2011 ken 2012.

Mangnamnama ni Velasco a magun-odda ti grandslam ti Brigada Eskwela iti daytoy a tawen,#