Ilocos Sur, Outstanding Nutrition Program Implementers Awardee

SAN FERNANDO CITY – Nabigbig ti Ilocos Sur kas maysa kadagiti probinsia nga Outstanding Nutrition Program Implementers iti maysa a seremonia a naangay iti Bangko Sentral ng Pilipinas Convention hall ditoy siudad itay nabiit.

Kadua ti Ilocos Sur ti Ilocos Norte a naikkan iti plaque of recognition iti panangiyalatda iti nasao a pammadayaw iti babaen ti provincial category

Maysa ti Candon City ti nangiyalat iti nasao nga award iti babaen ti city category. Karaman dagiti napadayawan ti Urdaneta City, Batac City, Laoag City ken Alaminos City.

Inyalat met ti San Vicente, Ilocos Sur ti Municipal Green Banner Award.

Kabayatanna, napili ni Anaryll A. Adriatico ti Ayusan Norte, Vigan City kas regional outstanding Barangay Nutrition Scholar (ROBNS).

National finalist ni Adriatico iti 2014 National Outstanding Barangay Nutrition Scholar.

Kinuna ni Ma. Eileen Blanco, NNC Program Coordinator a naited dagiti award kadagiti lokal a gobierno ken indibidual a limtaw dagiti gapuananda iti panangiyimplementarda kadagiti programa ti nutrision idi napan a tawen.#