Footer

Ilocos Sur ti nagkampeon iti Longganisa Streetdancing Competition

VIGAN CITY – Saan nga intulok dagiti taga-Ilocos Sur nga iyawid manen dagiti taga-sabali a probinsia ti korona iti streetdancing competition a mangitampok iti longganisa, nalatak a produkto daytoy a siudad, a naangay idi Enero 22.

Inyalat ti Vigan National High School East ti kampeonato iti Category A ken ti University of Northern Philippines ti umuna a puesto iti Category B ket immawatda iti sag-P100,000 cash prize.

Dagiti sumaganad dagiti dadduma pay a nangabak: Category A (16 years and below) – Balaoan, La Union, maikadua (P70,000); ken San Nicolas National High School, maikatlo (P50,000); Category B – LGU, Caoayan, Ilocos Sur, maikadua (P70,000); LGU, San Nicolas, Ilocos Norte, maikatlo (P50,000).

Naikkan amin a nakisalip iti consolation prize a P20,000.#