CANDON CITY. – Ar-araken ita dagiti tattao ti Barangay San Isidro ditoy siudad gapu iti mapapati a panagparang ti imahe ni Jesus iti puon ti maysa a saba ditoy.

Segun ken ni Fedimar Munda, akinkukua iti saba, dina inkankano idi damo ti imahe a nagparang iti puon ti sabana  ngem bayat a bumaybayag, ad-adda a pimmatak kano ti ladawan.

Segun iti akinkukua, maysa a mangngagas a nangkita iti saba ti naluganan ken nagbaliw ti bosesna sana imbaga a makaagas ti danum nga ininomna.

Sakbay daytoy, immuna a nagrakurak ti maysa a saba iti Bitalag, Tagudin gapu iti mapapati a panagparang ti imahe ni Jesus iti puon daytoy. #