Inaramidna a balitok ti nakadagdagsen a panawen

Ni  Jaime M. Agpalo, Jr.

(Maudi iti dua a paset)

 

Kimmali iti kaunggan ni balud dayta a kinapudno ket kabayatan ti panagtedted ti luana, sinaggaysana a pinidut ti maregmeg ti linabag ti napalabas‚Ķ wen, awan ti maimatanganna a ‚Äúpristine snowfalls; and the wonder of having promises to keep‚Ķ‚ÄĚ Lalo pay a nadegdegan dagiti nauuneg a sennaay iti kinadagsen dagiti agbubukel a landok a naisingkaw kadagiti ngulayngulayna ta awan ti mapidutna a kari ni namnama ‚Äď ta adda kad‚Äô kaikarian a kari iti biag ti maysa a balud?

Uray ngata asino met nga agsapsapul iti napudpudno a kaipapanan ti biag ket umanges iti nauneg santo agsennaay iti nauneg sana ibakal ti panagkitana iti adayo a kunam la no adda matmatmatanna ngem awan met no di ket insubli laeng ti panunotna ti lagip iti napalabas. Apay a kastoy ti nagbanagan ti biagko? Ania ti nagbiddutak? Apay a naiyaw-awanak iti napudpudno a dana ti biag? Agsasaruno nga agtulid dagiti di maigawid a luana a kasla digdigosenda ti kinataona. Kayatna ti agsubli iti napalabas tapno aturen dagiti nagbiddutanna, ngem saanen a maisubli pay ti limmabas a danum iti sirok ti rangtay!

Dayta ti kaiyarigan ti napasamak  ken ni Ismael Shamsid-din, maysa a napeklan a Moslem. Iti panagbalbaliw ti paniriganna iti biag babaen kadagiti nabasana a bunga ti literatura ken pannakaawatna iti kaimudinganna iti napudpudno a panagtamed iti Dios, nagbalbaliw met uray ti pammatina ket inarakupna ti Kristianismo!

Anian, saan laeng a ti paniriganna iti biag ken ti mismo a biagna ti nagbalbaliw no di pay ti pammatina.  Naidumduma ti maaramidan ti literatura, pagbalbaliwenna ti amin amin. Robert Counts ti naganna itan.

Nagsursuro a nagputar kadagiti dandaniw iti kaaddana iti uneg ti pagbaludan. No ania daydiay lawag ti masirayanna iti lubongna isu ti inna isurat a daniw. Adu a dandaniw dagiti naputarna ket tinagipategna dagitoy.

Ngem agurayka, mabalin a kunam a di nakapappati nga isu nga itta idi iti kagimongan,  agnaed iti lugar a napnuan iti agsasamusam a basol ken illegal nga aramid, nababa ti nagtengna nga adal ta awan ti gastuenda nga agbasa iti kinarigat ti panagbiagda,   kasano a nagputar iti dandaniw?

Ngem awan ti imposible iti literatura, kunak manen. Gapu ta nababa ti adalna, saanna a kabaelanen ti agputar iti daniw? Kabaelanna! Babaen ti tulong ti diksionario, limmawa ti panangawatna iti kaipapanan dagiti nauuneg ken komplikado a balikas agraman dagiti addaan iti dua a kaitutopan wenno double meaning a balikas.

Iti panagbasabasana kadagiti dandaniw ken dadduma a bunga ti literatura, adda met iti sibayna ti nakaukrad a diksionario a madadaan a mangilawlawag iti saanna a maawatan wenno saanna a matarusan a kaipapanan ti  madakdakamat a balikas.

Iti ababa a pannao, saan la basta nagbasabasa ti inaramidna,  inadalna ti binasana babaen ti tulong ken pannarabay ti diksionario.

Iti dayta a punto, ti kinababa ti pormal nga edukasionna ket nasupusopan babaen ti makunkuna a self-study. Iti kaaddana iti uneg ti pagbaludan, awan sabali nga inubrana no di ti nangipapuso ti inna panagadal ken panagsursuro nga agputar agingga a limmaing ken nakasurat kadagiti dandaniw nga isu itan ti koleksionna.

Kunana: ‚ÄúReading and writing poems made me human‚Ķ‚ÄĚ Ti panagbasabasa ken panagsuratsuratna kadagiti daniw ti namagbalin kenkuana a tao.

Idi rimmuar iti pagbaludan, nagsubli iti lugarda. Daydi narigat a panagbiag a pinanawanna idi iti lugarda ket nasangpetanna manen. Ngem iti panagsublina,  nagpanunot iti pagimbaganna. Gapu ta transpormadon a tao wenno nagbalbaliwen ti paniriganna iti biag, saan a lapped ti kinarigat. Addaanen iti direksion wenno turongen.

Nagadal iti culinary arts wenno panagluto agingga a nagbalin a sertipikado a graduado iti culinary arts. Naaddaan iti trabaho ket simmayaat ti panagbiagna.

Idi limmawa ti aangsaanna, sinublianna dagiti sinursuratna idi a dandaniw iti uneg ti pagbaludan ket inlibrona babaen ti paulo a ‚ÄúFirst Light and Other Poems.‚ÄĚ

Dayta ni Ismael Shamsid-din. Inaramidna a balitok ti nakadagdagsen a panawenna iti uneg ti pagbaludan!#