Indian national, nahold-ap

STA. CRUZ, Ilocos Sur – Paborito dagiti hold-aper a biktimaen daytoy nga Indian national.

Naholdap manen ti Indian national a managan Charanjit, temporario nga agnaed iti Barangay Bio, Tagudin, Ilocos Sur, iti Barangay Capariaan ditoy nga ili idi Marso 17 ket kinasakas dagiti mannibrong ti kuartana.

Iti inisial nga imbestigasion dagiti polis, agpaamianan ti biktima ket idi addan iti nadakamat a barangay, dua a lalaki a nakahelmet ti nangbangen iti luganna, pinaturonganda iti paltog,  sada puersa nga innala ti P2,500 a kuartana.

Segun iti biktima, maikaduan a daras a biktima ti panaghold-ap. Idi damo, kinasakas ti di nabigbig a suspek ti P2,000 a kuartana.#